Fervens igitur irā, emissā sagittā toxicatā, vulneravit eum, cuius cruer in venenum conversus est. Moriens autum Nessus dixit Deianirae:„ Collige tibi cruorem istum eritque tibi pro munere a me datum; nam, si quando Herculis animus a te declinaverit, vestem hoc cruore infectam viro da! Ita eius amorem revocabis tibi.”
Cum igitur Hercules quandam meretricem amaret, exosa Deianira misit ei vestem illo veneno infectam, mandans per Licham famulum eius, ut horā sacrificii illam indueret. Hercules, cum vestem induisset, statim flagrare coepit. Tunc Licham, qui ei vestem detulerat, in undas proiecit. Se ipsum in Oethnae montis incendium misit et sic inter deos translatus est.