Von dem spätantiken Autor Macrobius Theodosius, bekannt durch seine "Saturnalien", ist in Teilen ein Werk namens "De verborum Graeci et Latini differentiis vel societatibus" überliefert.
Ich gebe den ersten Abschnitt wieder:

[Itam] Prima utriusque verbi societas in hoc est, quod neutrum eorum in casus flecitur; deinde quod utrumque comitatur persona numeri figura coniugatio tempus modus, quem <Graeci> ἔγκλισιν vocant, Latini cum formis in qualitate posuerunt, genus, quod apud Graecos διάθεσις nuncupatur. Horum singulis inspectis sollertius quae in his diversa sunt non latebunt. Circa <ca>sus, ut diximus, utrisque perfecta communio est: [prima utriusque verbi societas est in hoc] nam et neutrum casibus declinatur et utrumque similiter universis paene casibus servit, ut 'm<is>ereor illius', 'pareo illi', 'veneror illum', 'venio ab illo', item φροντίζω τοῦδε, πείθομαι τῷδε, φιλῶ τόνδε; ablativum enim vel quem dicunt septimum Graecia non recipit. Eadem illis et in personis similitudo est, quia in utro<que> verbo tres eadem personae sunt, prima 'voco', secunda 'vocas', tertia 'vocat', et apud illos καλῶ καλεῖς καλεῖ.

(631 K.; Macrobii Theodosii De verborum Graeci et Latini differentiis vel societatibus Excerpta. A cura di Paolo de Paolis. Urbino 1990, S. 7-11)